జ్ఞ్యాన సరస్వతి అష్టకం

                         జ్ఞ్యాన సరస్వతి అష్టకం

చరణం 1

పిలుపు పిలుపున తేనే లొలుకగా రమ్ము రమ్మని పిలిచెదన్

పిలిచి నా హృదయాబ్జమను పీఠంబునన్ నిను నిలిపెదన్  || పిలిపు ||

నిల్పి శుద్దోదకమునన్ నీ పదములుంచి కడిగెదన్ || 2 ||

కడిగి అర్ఘ్యము నిత్తు కైగొనుమమ్మ జ్ఞ్యానసరస్వతి (నే) || 2 ||

చరణం 2

కేశవా! నారాయణ! మాధవా! గోవిందా! యని

ఆచమన మార్పింతు గైకొను, ముమ్మార్లు ప్రీతితో || కేశవా  ||

శుద్ధ గందోదకము నిచ్చెద, స్నానమాడుము గుర్మీతో || 2||

అమ్మ! చదువుల కొమ్మ! మెలిడు మమ్మ! జ్ఞ్యానసరస్వతి (మా) || 2||

చరణం 3

శ్వేత వస్త్రములిత్తు నా తాపమును మాన్పుము కరుణతో

గంధమిచ్చెద గొనుము నా భవబంధమూడ్పుము   నిష్ఠతో || శ్వేత ||

హర కేయూరిదికముల సొమ్ములుంచి మురిసెడన్  || 2||

మనసు దోచిన యట్టి బంగారు బొమ్మ ! జ్ఞ్యాన సరస్వతి  (నా ) || 2||

చరణం 4

పేరు పేరున నీకు తగు వే...వేల నామము లెంచుచున్

తల్లి కల్పగవల్లి! తల్లుల తల్లి! నేలజాబిల్లివై !   || పేరు ||

మల్లె మొల్ల గులాబీ జాజుల, పూల నిచ్చెద నందుకో || 2||

మదిని ముద మొందించుటకు రావమ్మా జ్ఞ్యాన సరస్వతి (నా ) || 2||

చరణం 5

దూప దీపములొసగెదన్ పాపాంధకారము జీల్చుమా!

నయము మీరుగా దయతో గైకొను పెద్ద మనస్సుతో || దూప ||

శాఖ పాకములాది వంటకంబులన్ నీకొసగెదన్  || 2||

అరుదెంచి నీవు ఆరగింపుము దివ్య జ్ఞ్యానసరస్వతి (నీవరుదెంచి )  || 2||

చరణం 6

పచ్చ వర్ణములైన తమ్ముల పాకులన్ మరి పోకలున్

మంచి మౌక్తిక చూర్ణమున్ ఘనసారమున్ జాపత్రులన్ || పచ్చ||  

జాజి కాయలు ఏలకులు గల మేటి తాంబూలంబునన్   || 2||

చుట్టి ఇచ్చెదనమ్మ గైకొనుమమ్మ జ్ఞ్యానసరస్వతి (నే)  || 2||

చరణం 7

అక్షయంబగు దక్షిణల్ నీకర్పింతుము ఆర్తితో

మనసనే మంత్రపుష్పము సమర్పింతుము భక్స్తితో || అక్షయంబగు ||

వీక్షణంబును చూపి నన్ను వేగనుగ్రహింపుమా !    || 2||

లక్ష్మి మెచ్చిన కోడలు  మాయమ్మ! జ్ఞ్యానసరస్వతి (శ్రీ )   || 2||

చరణం 8

అంగనలు గుమిగూడి బంగరు పళ్ళెరంబున గప్రముల్

ఎలిమి వెలిగించి పాటలు పడుచున్ నిను వేడుచున్ || అంగనలు || 

దివ్య హారతి కాంతులలో నీ శోభలు వెదజల్లగా    || 2||

పసుపు కుంకుమ ప్రభలు గల్గిన యట్టి జ్ఞ్యానసరస్వతి (ఆ)   || 2||

అమ్మా! జ్ఞ్యానసరస్వతి ! …….మాయమ్మా! జ్ఞ్యానసరస్వతి !

రావమ్మా జ్ఞ్యానసరస్వతి ! మమ్మేలు జ్ఞ్యానసరస్వతి ! మమ్మేలు జ్ఞ్యానసరస్వతి !మమ్మేలు జ్ఞ్యానసరస్వతి !